Поттикнувањето на телесната активност кај децата може да доведе до подобрување на успехот во училиште, сугерира новото истражување на научниците од универзитетот во Рим.

Следејќи 138 деца, на возраст од 8 до 11 години, истражувачите за време на три седмици го следеле успехот на испитаниците на тестови кои понекогаш се спроведувани по физичко вежбање.

Децата најдобри резултати постигнувале на тестирањата спроведени после физичките активности, а во просек е забележано подобрување од 10%.

Слични подобрувања кај децата по вежбање се воочени и во домен на одржување на концентрацијата.