Ако детето за 16-ти роденден како подарок добие Мерцедес, родителите не треба да се чудат зошто не развило работни навики...

Богатите родители денес се соочени со голем проблем: мораат многу пари да им остават на своите деца, кои и не знаат како да се однесуваат со пари.

Австралиската милијардерка, сопственичка на рудник, Џина Рајнхарт отвори дебата со необичната судска битка. Таа од својот татко наследила богатство, а нејзините три деца добиле акции во семејната компанија. Но таа ги исклучила од наследството, а нејзините деца судски и возвраќаат.

Судските документи кои ги пренесоа австралиските медиуми покажуваат дека таа верува оти нејзините деца не се способни да управуваат со своето богатство. Ниту едно од нив никогаш не работело некоја работа.

“Ниту едно ги нема потребните вештини, знаења, искуство, способност за расудување, ниту одговорност и работна етика да управува со наследството на начин на кој е потребно, за компанијата HPPL Group да продолжи да расте”, нагласува милијардерката.

Таа вели дека нејзините деца се нестабилни да управуваат со парите и дека во нивни интерес, најдобро би било да работат.

“Wall Street Journal” пишува дека веројатно Рајнхарт е во право, но природно се поставува прашањето кој ги израснал и воспитувал тие деца, и дали таа не се служи со своето родителство како аргумент против своите деца.