Жените кои се во депресија обично облекуваат фармерки, покажало едно британско истражување.

Истражувачите утврдиле дека изборот на облека често зависи од нашето расположение, па така постои „среќна“ облека, која ја носиме кога се чувствуваме добро и која е составена од алишта со живи бои, добар крој и се направени од убави материјали. Овие модели обично ја истакнуваат нашата фигура на начин на кој многу ни се допаѓа и пријатни се за носење.

Кога пак сме нерасположени во главно носиме фармерки, со широка маица или дукс. „На депресивните личности им е сеедно како се облечени и како изгледаат. Тие не сакаат да привлечат внимание“, објаснува за Mirror психологот Карен Пајн од универзитетот во Хертфордшир.

Начинот на кој се облекуваме не остава впечаток само на другите туку и влијае на тоа како се гледаме сами себе. Жените кои се чувствуваат среќно подготвени се да експериментираат со облекувањето.

Жените би требало да се свртат кон „посреќна“ облека кога ќе почувствуваат дека се депримирани, објаснува Пајн, затоа што така самите ќе си го подигнат расположението.

Фармерките можеби не се секогаш средство за криење, туку и обид за промена на расположението. Жените кои се депресивни поради вишокот килограми, на пример, избираат фармерки кои совршено им стојат за да го победат лошото расположение.