Во Европа 24% од личностите на возраст од 16 и 74 години никогаш не користеле интернет, покажаа резултатите од истражувањето на статистичката служба на Европската унија - Eurostat.

Тој процент, на пример во 2006, изнесувал 42%.

Најголем процент на оние кои никогаш не користеле интернет е регистриран во 2011 година во Романија (54%), Бугарија (46%) и Грција (45%), како и во Кипар и Португалија (по 41%).

Наспроти тоа, само 5% од Швеѓаните и 7% од Данците и Холанѓаните никогаш немаат користено интернет.

Анкетата е спроведена во првото тромесечие од 2011 година во 27 земји на Европската Унија.