Фотографот Хенри Харгрејвс од Бруклин во своето студио одлучил да ја реконструира последната вечера на затворениците осудени на смрт... 

Откако тој слушнал за некои навистина необични барања за последен оброк во животот, се родила и оваа серија на фотографии под насловот "Последната вечера".

Така, Џон Вејн Гејси познат како "кловнот убиец" побарал 12 шкампи, помфрит и пржено пилешко, но сето тоа да биде посипано со свежи јагоди. Виктор Фегуер, пак, побарал само една единствена маслинка, сервирана на голема порцеланска чинија.

Тимоти Меквеи, кој бил обвинет за 168 убиства, наместо последна вечера го имал последниот десерт, тој побарал две топчиња сладолед од ментол покриени со чоколадо. Рони Ли Гарднер сакал да јаде опашка од јастог, стек, пита од јаболка и сладолед од ванила, а му дозволиле и да ја гледа трилогијата "Господарот на прстените".

Еден од најпознатите убијци, Тед Банди, не посакал специјален оброк, туку го добил традиционалниот, составен од стек, јајца на око, тост со путер и џем, млеко и сок.

"Се обидов да го оживеам мигот кога еден од затворениците ќе седне на масата и ќе го види својот последен оброк. Точно, ги одбрав најбизарните затворски случаи", вели фотографот.