Британец ја излажирал сопствената смрт за да му се исплати осигурувањето и да и плати на жена си вградување на силикони.

Психологот Стивен Келавеј (54) најпрво проневерил пари во работата со недвижнини и заработил околу милион фунти, а потоа ја лажирал сопствената смрт за да му биде исплатено животното осигурување.

Заедно со третата сопруга Нели, ја извел измамата и таа пријавила дека страдал на семеен одмор во нејзината родна Русија, каде всушност отишла да се подложи на вградување на силиконски гради.

Нели на надлежните органи им покажала лажна смртовница и урна со „пепел“ од нејзиниот сопруг, кој за тоа време се криел во Русија и Кина, и започнала процедура за напрата на осигурување од 1,7 милиони фунти.

Меѓутоа, истрагата утврдила дека смртовницата е фалсификат, а меѓународните органи набргу го лоцирале Келавеј во Кина. Тој е транспортиран во Британија минатиот декември, а штотуку е осуден на 32 месеци затвор.

Неговата сопруга се обидела да се брани на судот тврдејќи дека мажот и ја натерал да учествува во измамата, но судијата не и поверувал и одредена и е казна од 18 месеци условно.