Две Американки откриле дека се во брак со истиот маж кога на едната од нив на "Фејсбук" и се појавило името на другата жена на листата "луѓе кои можеби ги познавате", соопшти обвинителството на САД...

Сопругата, со која мажот долго време не бил во контакт, кликнала на линкот и видела фотографии од другиот пар со свадбена торта, стои во судските документи на државата Вашингтон.
 
Оваа жена потоа контактирала со мајката на мажот, а потоа им се обратила и на властите.
 
Алан О`Нил, кој работи како затворски чувар е обвинет за бигамија и ќе се појави пред судот овој месец.
 
Тој се оженил во 2001 година под старото име - Алан Франк, во 2009 година се преселил, го променил името и се преженил, иако претходно не го раскинал првиот брак.
 
О`Нил и рекол на својата прва сопруга да не го пријавува на властите неговиот втор брак, но таа сепак го пријавила.
 
Ако биде прогласен за виновен, О`Нил ќе одлежи една година во затвор.