Ако пиете лекови за намалување на притисокот или ублажување на психофизичката напнатост, можеби ќе имате и помалку расистички ставови.

Расизмот можеби ќе биде минато, благодарение на „моралниот“ лек. За ова необично откритие се заслужни истражувачите од универзитетот Оксфорд во Велика Британија кои ги анализирале ефектите од пропранололот, лек кој се користи во лечење на хипертензија, мигрена и анксизони состојби.

Состојките на пропранололот го блокираат периферниот нервен систем и дел од мозокот кој учествува во исполнувањето на емотивни реакции, познат како амигдала.

Овие амбициозни научници тврдат дека расизмот е излечив и веруваат дека се на трага на формула за лек кој кај луѓето ќе ги намалува расистичките нагони.

Нивното истражување опфатило 36 мажи од бела раса од кои половина добиле пропранолол, а другата половина плацебо, за по два часа да бидат подложени на тест со кој се испитувани нивните потсвесни, спонтани расистички предрасуди.

Силвија Тербек, водачот на истражувањето, објаснила дека резултатите од нивното истражување нудат нови докази за процесите во мозокот кои би можеле да бидат од значаен етнички интерес.