Сезар Куријама, аниматор од Њујорк, на својот 30-ти роденден донел одлука дека секој ден ќе сними по некоја случка која на некој начин му го обележала тој ден. По година дена снимања, измонтирал 6 минутно видео.

Кога наполнил 30 години Сесар Куријама одлучил да земе слободна година и да ужива во сето она за што пред тоа немал време. Во својот краток филм ставил се - од смртта на Бин Ладен до банални работи од секојдневниот живот. Така во филмот можат да се видат и ноќен живот, и венчавка, болест, моменти со семејството и пријателите, празници, храна, природа, и така натаму...

Но, тоа што требало да биде креативен начин на документирање на слободната година Сезар на крајот го претворил во животен проект.

„Ќе ја снимам таа секунда секој ден, до крајот на својот живот. Секој би требало да се обиде да го прави тоа“, напишал тој на својата Фејсбук страница. „Ако доживеам 80 роденден, зад себе ќе оставам 5 часовен видео материјал кој резимира 50 години од мојот живот.“