Брендот за долна облека Agent Provocateur познат е по контроверзните и провокативни рекламни спотови кои секогаш креваат голема прашина во јавноста.

Во рекламата за колекцијата Soiree, објавена во очи на Ноќта на вештерките, отишле чекор понатаму и снимиле „мини моден хорор“, како што е опишана нивната Les Fleurs Du Mal реклама полна со голотија и садо-мазо елементи.

Рекламата набргу е забранета за помлади од 18, а медиумите ја прогласиле за вознемирувачка. Но, агенцијата која се бави со авторизација на реклами овие денови објавила дека во неа нема ништо спорно.

Иако овој провокативен видео спот се прикажувал само на официјални страници на брендот и на YouTube, тоа било доволно за да собере многу приговори од незадоволни луѓе кои тврдат дека рекламата е навредлива и вознемирувачка.

Во промотивниот спот кој обилува со голотија можеме да видиме киднапирање, насилство, а на крајот и група жени кои напаѓаат друга жена. Дали рекламата е спорна или не, проценете сами.