На мета на Anonymous се најде и Католичката црква.

Хакерите кои се прославија како Anonymous ги хакирале страниците на три различни цркви во Северна Каролина; Bethel Outreach International Church, Charlotte International Church и Crossfire Ministries. Хакерите на нивните страници поставиле видео говор од познатиот научник Ричерд Докинс во кој зборува против религијата, како и порака во која и најавуваат „војна на религијата“. Покрај сетоа тоа напишале и „Религијата е без врска, LOL“.

Во 30 минутниот говор Докинс ги повикува атеистите да престанат да ги кријат своите ставови и да се борат против влијанието на религијата во политиката и образованието. Хакерите порачале дека религијата е болест.

„Поздрав пријатели пирати, да бидеме јасни уште од почетокот, било кој вид на религија е болест во овој свет. Болест која создава омраза и нетолеранција кои доведуваат до војна меѓу браќа, болест која на овој свет дошла многу одамна, кога човештвото не било образовано, болест која донесува лажна надеж и забрана за оние кои веруваат и уште почест терор и забрана за оние кои се осмелиле да не веруваат. Религиите се авторитарни хиерархии, дизајнирани да доминираат со слободната волја. Религиите се контрола на умот“, стои помеѓу другото во писмото на хакерите.