Дури и во Франција - земјата на љубовта, истоштувачкиот ден на работа ја убива желбата за секс, покажуваат резултатите од едно истражување спроведено врз 1.400 испитаници.

72% од анкетираните изјавиле дека после долгиот работен ден немаат никаква желба за интима со партнерот. Феноменот е најсилно изразен меѓу менаџерите, кои работата ја носат дома со себе.

Резултатите од испитувањето покажуваат дека кај 24% од учесниците во истото, стресното службено секојдневие во некој момент довело до сексуални дисфункции.

61% од анкетираните признаваат дека работата им е најважното нешто во животот и ја поставуваат пред љубовта, семејството и културата.

„Луѓето плаќаат висока цена за тоа - чувства на вина, разводи, неконтролирани деца, хроничен умор“, вели раководителот на проучувањето, Жан-Клод Делжен.

Професионалците ги советуваат луѓето кои можат да се преселат поблиску до работното место, за да заштедат на време кое го губат во патување од и до работата, или да си најдат работа која им дава поголема независност за да можат да поминуваат повеќе време со своите семејства.