Корисниците на Фејсбук и другите социјални мрежи стануваат се помалку социјални, покажале најновите истражувања на непрофитната организација IALP (Internet & American Life Project).

Зголемениот број на корисници на социјални мрежа доведе и до тоа тие да поставуваат се поостри барања во поглед на приватноста на своите податоци, така што им го ограничуваат пристапот на непознати личности до тие податоци.

Истражувачите утврдиле дека речиси две третини од корисниците на социјални мрежи во САД (63%) до сега избришале барем еден „пријател“.

Речиси половина од учесниците во истражувањето (44%) избришале коментари кои нивните пријатели ги оставиле на нивниот профил, додека 37% од анкетираните ги остраниле таговите од фотографиите кои укажувале на имињата на личностите кои се наоѓале на нив.

Истражувачите наведуваат дека жените се повнимателни корисници на социјалните мрежи од мажите.

Две третини од жените (67%) избришале по некоја личност од кругот на своите пријатели, додека кај мажите тоа го сториле 58% од испитаниците.

Исто така, 69% од жените ги поставиле своите безбедносни подесувања на највисоко ниво, додека тоа го сториле само 48% од мажите.

Независно од полот, 58% од учесниците во истражувањето изјавиле дека нивните профили на социјалните мрежи можат да ги видат само нивните пријатели.

Само 20% од испитаниците ги отвориле своите профили на социјалните мрежи за да можат сите корисници да ги видат, додека 19% од учесниците во истражувањето ги подесиле своите профили така што освен пријатеите, можат да ги видат и пријателите на нивните пријатели.