Како да се влезе во постари години, а да се задржи младиот изглед, е работа со која секој порано или подоцна мора да се соочи. Американката Анет Ларкин има 70 години, а таа за тоа не мора да размислува.

Звучи неверојатно, но личноста од фотографијата навистина има 70 години, а кога шета со 54 годишниот сопруг во јавноста, сите мислат дека таа му е - ќерка!

Меѓутоа, Ларкин тврди дека не се работи за никакви естетски зафати, туку таа дама од Флорида својата линија ја држи исклучиво со зеленчукот кој го одгледува во сопствената градина.

Речиси сè во нејзината зелена градина може да се јаде, а секое растение таа сама го одгледала. „Мојата исхрана се состои од овошје, зеленчук, ореови плодови и семки“, истакнува Ларкин.

Прво почнала како вегетаријанка, а пред 27 години, Ларкин отишла и чекор понатаму и станала веган, односно целата храна ја јаде сурова и никогаш не ја готви. Нејзиниот сопруг сега жали што не тргнал по нејзините чекори, затоа што тој има многу здравствени проблеми.

„Многу сум ведра и имам многу енергија... станувам во 5.30 наутро и од тогаш сум на нозе и подготвена за секојдневни активности“, вели таа. Нејзиниот сопруг се согласува во целост. „Таа е неверојатна личност. Човече, навистина мислам така. Работи сè, сама води сметка, ја прави сопствената облека, ја одгледува храната што ја јаде и зборува три јазици. Тоа е неверојатно“, заклучува нејзиниот сопруг.