Британката Ајана која е позната по своите долги нокти на прстите на рацете, сега призна дека е зависна од десет сантиметри долгите нокти на прстите на нозете и одбива да ги сече...

54-годишната жена се појави во емисијата "My Strange Addiction" во која учествуваат луѓе кои имаат необични навики. Ајана е единствена по тоа што има премногу долги нокти не само на рацете, туку и на нозете, па не може да се движи и да функционира нормално. Таа мора да оди на пети и по скали да се качува попречно, исто така секогаш спие на грб.

Необичната Британка почнала да ги пушта ноктите на рацете на 24-годишна возраст, а пред неколку години станала зависна и од своите долги нокти на нозете, па вели дека никогаш нема да ги исече.

“Моите нокти се секси! Јас сум божица на долгите нокти”, рекла Ајана.