Не знаат ни Google, ни фронтменот на бендот Coldplay, Крис Мартин.

Бендот својот петти студиски албум, кој е објавен во октомври минатата година, го нарекол со име кое се состои од два бесмислени збора, што тогаш им се чинело како згодна идеја.

Меѓутоа, Мартин вели дека зажалиле поради таа одлука затоа што името ги збунува обожавателите.

„Луѓето во разни делови на светот го изговараат на најлуди начини и сега ни станува жал што албумот го нарековме така. Никој не умее правилно да го изговори и сите се прашуваат што значи.“

Мартин вели дека е можно албумот да го издадат повторно со нов наслов.