Жителите на германскиот град Брауншвајг во Долна Саксонија имаат своја добра вила.

Непознат добар човек на жителите тајно им остава по илјадници евра, а како што до сега е утврдено, донирал околу 200.000 евра.

Интересно е што донациите никогаш не поминуваат над 10.000 евра, што е неданочен максимум во Германија.

Овој „добар Самарјанин“ како што го нарекуваат во Брауншвајг, ковертите со пари ги става во поштански сандачиња или ги турка под влезната врата на куќата.

Според пишувањето на еден локален весник, тој пари им дарува на луѓето за чии неволји пишувало во медиумите. Тоа се воглавно жртви на провалување, немоќни и сиромашни, но и на установи каква што е народната кујна, болницата и локалниот музеј.

Сите се прашуваат кој е овој добар човек, а постои и теорија дека се работи за криминалец кој на овој начин се ослободува до неправедно стекнати пари. Други веруваат дека станува збор за некој богаташ на работ на смртта.