Еден Американец лошо го испланирал својот обид за оргабување банка.

Неименуван маж (39) влегол во банка во Чембли во Џорџија и на службеникот му дал хартија на која пишувало „дај пари или ќе пукам“. На снимката од сигурносната камера се гледа како службеникот му покажува дека стаклото е отпорно на куршуми, по што неуспешниот ограбувач истрчал од банката без плен.

Тој на улицата фатил такси, но на возачот му рекол дека нема пари кај себе. Возачот го претиснал копчето за заклучување, а збрката го привлекла вниманието на полицаецот кој се затекнал на улицата. Тој на ограбувачот го извлекол од возилото и го испратил до банката за да земе пари за возењето.

Штом тој влегол во банката во придружба на полицаецот, службениците рекле дека пред малку се обидел да ги ограби, па е уапсен и обвинет за обид за грабеж.