Можеби до сега сте мислеле дека вашите одлуки се темелат на логика или морал, но новата студија вели дека фактот дали сте деснаци или леваци, игра огромна улога во вашиот начин на сфаќање на светот...

Научникот Даниел Касасанто покажал дека некои делови од нашето тело влијаат на нашето размислување, влијаат на различни делови од нашиот живот, од начин на говор, до ментални способности па до емоции, пишува Daily Мail.

Касасанто и неговите колеги истражувале колку фактот дали сте леваци или деснаци влијае врз способноста на пресудата, евалуацијата, интелигенцијата и правдата.

Преку серија од експерименти откриле дека луѓето сакаат работи кои се наоѓаат на иста страна како и нивната доминантна рака. Кога испитаниците биле запрашани кој ќе го купат од два понудени производи, која работа би ја избрале од две понудени, или кои од два различни вонземјани е поубедлив, деснаците рутински ги бирале производите, работата и вонземјанците кои се наоѓаат на десната страна, додека леваците ги бирале работите на левата страна.

Истата работасе случува и кај децата постари од пет години и кај возрасните луѓе. Но, поради што нашата доминантна рака влијае на ваквите одлуки? "Се се сведува на течност", тврди Касасанто. Објаснува дека луѓето повеќе преферираат работи кои се полесно видливи и со кои се постигнува полесно да комуницираат.

Деснаците полесно остваруваат интеракција со луѓето од десната страна од околина, па често ги идентификуваат како "добри", а оние од левата страна како "лоши". Но, оваа теорија сепак не е врежана во камен. "Ако го промените телото на луѓето, ќе го промените и нивниот начин на размислување", тврди Касасанто.