2012 е престапна година, што значи дека февруари има еден ден повеќе т.е. 29.
Луѓето кои се родени на 29 февруари мачат мака со обележување на нивниот роденден. Според податоците на The Huffington Post на датумот кој се повторува секоја четврта година се родени четири милиони луѓе на светот.
На 29 февруари роденден имаат и некои славни личности како актерот Антонио Сабато кој при една шанса истакна и некои предности. Со оглед на тоа што роденденот го слави секоја четврта година, објасни тој, луѓето му купуваат повредни подароци.
Американската публицистка Лиса Бара пак, ја наведе негативната страна на родендените кои се паѓаат на 29 февруари. „Луѓето сметаат дека не ви е дури ни роденден, туку само дека сте година дена постари затоа што тој датум не постои во одредена година. Поради тоа не ми праќаа ни честитки“, рече таа.
