Луѓето во просек најмногу жалат што не штеделе, што вложиле премалку труд во образованието и што не патувале доволно по светот, покажала една британска студија.

Почнување со пушење, премалку вежбање и недоволно патување по светот во младоста за многумина се на врвот на листата на жалење.

Околу 75% од 2.000 испитаници во студијата сметаат дека е невозможно да се живее без жалење за пропустите во минатото, а околу две третини од луѓето сметаат дека каењата ги направиле попозитивни и похрабри, затоа што учеле од сопствените грешки.

Луѓето најмногу жалат поради тоа што не штеделе пари кога имале шанса за тоа, затоа што не биле успешни во училиштето, затоа што не вежбале повеќе, патувале по светот во младоста, за тоа што го пропуштиле, што ги прекинале односите со луѓето кои им биле блиски.

Потоа, луѓето жалат затоа што не се грижеле повеќе за своето здравје и тело додека биле помлади, затоа што не му посветувале повеќе внимание на член од семејството кој умрел, што немаат спомени од важни случувања и што се венчале прерано.