Околу 75% од луѓето жалењето го сметаат за составен дел од животот, а 66% сметаат дека училе од своите грешки...

Луѓето најмногу жалат затоа што не штеделе, но и бидејќи премалку труд вложуваат во своето образование, утврдила студијата на британската компанија Electric Zebra. Луѓето во просек жалат поради две работи додека 17% ги обвинуваат другите за своите погрешни одлуки, покажала анкетата на 2000 луѓе.

Секоја недела луѓето поминуваат по 45 минути размислувајќи за работите од минатато кое можеле да го направат поразлично, а кои имале големо влијание на нивниот живот.

Почеток на пушење, премалку вежбање, како и тоа дека премалку се патува во младоста, се на самиот врв на листата за жалење. Околу 75% од луѓето тврдат дека тоа е невозможно да се живее без жалење за грешките од минатото. Сепак, две третини од луѓето мислат дека тие жалења ги направиле луѓето попозитивни и похрабри, бидејќи учеле од своите грешки.