Патувањето низ повеќе од 20 земји трае повеќе од четири месеци и чини милион фунти.

Крстарењето само за оние со длабок џеб го организира британската туристичка компанија Six Star, по цена од милион фунти за две личности.

Не е важно од каде тргнуваат патниците, по нив на домашна адреса доаѓа специјално опремен хеликоптер, кој ги префрлува до Лондон и од каде со чартер лет одат во Лос Анџелес и се качуваат на луксузниот брод „Сребрен шепот“.

Во апартманите на бродот ги очекува личен батлер кој ќе се погрижи за сите нивни потреби, а за тоа колку персоналот на Six Star мисли на гостите зборува и фактот дека и перниците на креветите не се „обични“, туку гостите бираат од десет понудени видови.

Бродот потоа патува низ 28 земји и обиколува дестинации како што се Франција, Нов Зеланд, Маурицијус, Барбадос и многу други. Патувањето трае неверојатни 124 дена, а во Six Star истакнуваат дека ова е најпожелното крстарење на светот.

По цела од половина милион фунти по човек, не се ни сомневаме во тоа тврдење.