Со дури 11 номинации за Златна малина актерот го собори досегашниот, на половина помал, рекорд кој го држеше Еди Марфи со пет номинации во 1997 година.
Меѓу номинациите на Сендлер се оние за најлош актер и најлоша актерка (во филмот Jack And Jill играше машка улога и улогата на сестрата близначка) како и две номинации за најлош филмски пар (за филмовите Just Go With It и Jack And Jill), но и за најлош сценарист и продуцент.
Наградите за најлошите од седмата уметност ќе бидат доделени на 1 април, а покрај Сендлер за најлоши актери се номинирани и Расел Бренд, Николас Кејџ, Тејлор Лотнер и Ник Швардсон.
Во категоријата за најлоша актерка „се борат“ Мартин Ловренс, Сара Пелин, Сара Џесика Паркер, Кристен Стјуарт и, се разбира, Адам Сендлер.
За најлоши филмови се номинирани Bucky Larson: Born To Be A Star 2, Јack And Jill, New Year's Eve, Transformers: Dark Of The Moon и The Twilight Saga: Breaking Dawn - Part 1.
