Нарцисоизмот е состојба во која луѓето се склони да бараат задоволство во сами себе. Иако самата дефиниција не звучи опасно ниту посебно загрижувачки, овој облик на „обожавање“ на самите себе кај мажите може да предизвика вистински проблеми. Но, проблемите не се однесуваат само на оние со партнерката или пријатлите, туку и на самото здравје.

Најновата студија на универзитетот Мичиген открила дека нарцисоизмот го зголемува нивото на стрес, а со самото тоа и ризикот од висок притисок и болести на срцето, затоа што таквата состојба го зголемува нивото на кортизол дури и во опуштени ситуации, додека кај жените таквите промени не се забележани.

Машките особини кои ги сакаме и не ги сакаме, а кои се однесуваат на одмерување на силата, докажувања и обид за доминација до одредена мерка се добри затоа што го поттикнуваат самопочитувањето и чувството на вредност.

Но, ако ја поминат границата на нормално однесување и станат еден вид опсесија, можат да предизвикаат засилено лачење на хормон. Иако ваквите типови на „фраери“ за себе мислат се најдобро, зад тоа всушност се крие несигурност или само привидна и многу кревка слика на мачо-маж.

Професорката Сара Конрат, водителката на истражувањето, утврдила: „Нарцисоидните мажи понекогаш плаќаат висока цена со своето здравје, а негативните влијанија се рефлектираат и на нивната врска.“