Знаете ли дека, доколку се плашите од пајаци, не можете да ја процените нивната реална големина?

Студијата спроведена на универзитетот во Охајо покажала дека арахнофобите, односно луѓето кои страдаат од ирационален страв од пајаци, мислат дека тие се поголеми отколку што навистина се.

Ако фобијата е исклучително јака, личноста која ќе го здогледа пајакот ќе го види како многу поголем отколку што тој навистина е.

„Сите во животот сме слушнале некој како објаснува колкав пајак видел, ги шири рацете до невозможни димензии, но сега е утврдено дека пајаците навистина им ‘изгледаат’ поголеми на личностите кои страдаат од таа фобија“, објасни авторот на студијата, Мајкл Вејси.

Професионалците се обидуваат да утврдат како личностите кои страдаат од фобија ги перципираат предизвикувачите на својот страв, за подобро да им помогнат и да им ги олеснат симптомите.