Израел е добра туристичка дестинација за сите оние кои сакаат комбинација од историја, култура и добар одмор, вели директорот на оделението за централна и јужна Европа во Министерството за туризам на Израел, Џеуда Шен...

Шен признал дека Израел не е ефтина дестинација, во споредба со Египет и Тунис, кои се конкурентни со цената, првенствено поради пониските цени на работната сила.

"На пример, ангажман за една лице за шест дена, со туристички водич, полупансион во поскап хотел се движи од 500 до 600 евра, што е за нијанса поскапо отколку во Египет или Тунис, но сепак, нивото на услугата е многу поголемо".

Според Шен, и условите на транспорт на патници во Израел се одлични, бидејќи земјата располага со добра сообраќајна инфраструктура, а важните туристички и културни дестинации не се многу оддалечени една од друга, па може да се посетат без поголеми проблеми.

Шен истакнал дека покрај Ерусалим, постојат уште многу градови и локации кои треба да се посетат во Израел, како што е летувалиштето Елиат, но и градот Хаифа на север, во кој се наоѓа најголемото пристаниште во земјата.

"Израел е дестинација за душата и телото", препорачал Шен. Инаку Израел бележи постојан раст на бројот на туристи - во 2010 го посетиле дури 3.5 милиони луѓе.