Менито од последниот ручек на Титаник ќе биде продаден на аукција и за него можат да бидат платени до 100.000 фунти...

Менито, датира од 14 април 1912 година, и нуди храна на патниците во прва класа на последниот ден од потонатиот патнички брод. Листата вклучува 40 предлози.

Менито било на масата на патникот во прва класа д-р Вашингтон Доџ, познат банкар од Сан Франциско, кој патувал за Америка со својата супруга Рут и синот Вашингтон помладиот. Госпоѓата Доџ го ставила менито во ташна, без да знае што ќе се случи подоцна во текот на денот.

Двајцата со нејзиниот син ја преживеале несреќата, откако биле поставени на спасувачки брод и менито кое останало во чантата од тогаш станало сопственост на семејството. Тоа ќе биде продадено од аукциската куќа Хенри Алдриџ, водечка во продажбите на предмети од титаник. Аукцијата ќе се одржи по повод 100 годишнината од потонувањето на Титаник и ќе се одржи на 31 март.