Мултимилионер завршил во ментална институција откако го потрошил своето богатство на глупости...

Ед Базинет (68) бизнисмен во пензија, успеал да го потроши целото свое богатство на неверојатни работи, од тоа, дури 1.6 милиони долари, верувале или не, на сапун.

Базинет хистерично купувал се што му се допаѓало, а за цената не ни прашувал, изјавил за "Њујорк пост" дизајнерката Нима Оберој со кого Ед соработувал.

Предмети за домаќинство, накит, садови и тенџериња, луксузни украси и скапоцена гардероба - се е тоа само дел од неговиот "неуспех" и банкрот. На еден престижен саем во Њујорк, одржан оваа година, како од шега потрошил дури 2 милиони долари, а на слична аукција во Париз потрошил неверојатни 4 милиони долари.

Неговите пријатели забележале дека нешто не е во ред. Разговарале со него и тој бил пријавен на лекување каде лекарите му констатирале биполарно растројство.

Ед Базинет е со потекло од Минесота, а богатството го стекнал во 70-тите со продажба на порцелански фигури и разни украси. Пред 15 години, својата компанија Department 56 ја продал за 270 милиони долари... но тие пари веќе ги нема.