Сега можете и сами да го изберете, во новото издание на романот „99 причини зошто“.

Романот на Керолајн Смејлс на читателот му нуди 11 можни „сценарија“ за крајот на книгата. Приказната за семејството кое е опфатено со опсесии е третиот роман на авторката, која вели дека читателите и замериле дека претходните два завршиле премногу здодевно.

Смејлс затоа напишала книга со 11 можни завршетоци на приказната, а во дигиталното издание, читателите ќе можат сами да го бираат крајот.

Меѓу краевите има и „пукања во стилот на Квентин Тарантино“, но и класичен „среќен крај“, рекла таа.

Дигиталното издание за Kindle и други читачи крајот го бира во склад со вашиот вкус и расположение, а читателот за време на читањето одговара на прашања со повеќе понудени одговори и решава мали тестови со бројки, бои и облици, за да дојде до саканиот завршеток.