Кинез постави светски рекорд во бројот на клупи кои успеа да ги нареди, а потоа да ги балансира држејќи ги со забите.

Ли Хонгшјао (30) од Чонгкинг пред посетителите на еден шопинг трговски центар изведе една необична точка - нареди десетина дрвени клупи една на друга, и целата таа конструкција успеа да ја балансира држејќи ја ногата на една клупа во устата.

Секоја дрвена клупа била тешка околу три килограми, долга метар и висока 45 сантиметри.

Се проценува дека целата конструкција била тешка околу 70 килограми. Вкупно ставил 23 клупи и го надмина претходниот рекорд со дури девет клупи повеќе.