Најдобрите мајки во светот се италијанките, пишува во весникот "Кориере дела сера"...

Тврдењето произлегува од американското издание "Волстрит џурнал", кое минатата година објави дека најдобрите мајки се кинескињите. Според изданието сега италијанките застануваат на чело на своевидна листа, бидејќи се добри со децата, ги заштитуваат, добро готват и благодарение на нив малите италијани растат како вистински столбови на општеството.

Во текот на годините автори на различни книги и новинари од различни весници прогласуваат претставнички на различни националности за најдобри мајки во светот. Кинескињите беа пофалени како мајки-тигрици кои ја сакаат строгата дисциплина.

Французинките ги оставаат своите деца да играат по волја, што укажува на тоа дека не се опседнати со карактеристичните ставови и грижи за мајките. Боливијките целосно се посветени на децата. Велшките мајки секогаш ја држат устата затворена, немаат критики за своите деца. Мајките од островот Фиџи ги оставаат своите деца по цел ден да лудуваат надвор и од млада возраст да ја вкусат слободата.

Монголките ги одгледуваат своите деца сами, бидејќи работата на нивните сопрузи често е поврзана со долги патувања. Така врската помеѓу монголките и нивните деца станува посилна за сметка на слабата врска меѓу татковците и децата.