Љубовните писма на поетите од 19 век, Елизабет Берет и Роберт Браунинг, објавени се вчера на интернет, по повод Денот на вљубените.

Велслеј колеџот и универзитетот Бејлор од Тексас се здружиле за да дигитализираат 573 писма кои ги размениле Берет и Браунинг во периодот од 1845 до 1846 година.

Иако нивните писма се објавени порано, оригиналните писма можат да се видаат само во Велслеј колеџот кој ги чува од 1930 година.

Почнувајќи од вчера, познатите љубовни писма се достапни на интернет страница на која читателите ќе можат да ја видат пожолтената хартија, избледнатото мастило, па дури и ковертите кои овие двајца поети ги користеле.