Како што е веќе вообичаено, и Google и неговиот пребарувач го одбележуваат овој ден. По повод Денот на вљубените на најпопуларниот светски пребарувач, можете да видите слатка анимација...

Најпозната теорија за настанокот на овој празник потекнува од Рим, додека христијанството било нова и млада религија, живел еден свештеник Валентин, пишува Wikipedia. Тогашниот император, Клавдиј I им наредил на своите војници да не се женат затоа што мислел дека ако војниците се оженети или верени, нема да се борат во неговите војни, туку повеќе би сакале да останат дома со своите семејства.

Соте свештеници одлучиле да ја почитуваат одлуката на царот, па не сакале да го вршат ритуалот - венчавка. Меѓутоа, свештеникот по име Валентин не ја послушал одлуката на царот и почнал тајно да одржува свадбени церемонии на сите млади парови кои тоа го сакале, се додека властите не го фатиле и го фрлиле во затвор.

На 14 февруари на свештеникот Валентин му ја исекле главата. Кусо време по смртта народот го прогласил за светец, а кога во Рим се зајакнало христијанството, свештенството одлучило да ги спои празникот Луперкалија и смртта на Свети Валентин во еден ден.

Одредиле дека нивниот празник ќе се слави на 14 февруари, денот на смртта на Валентин. Секако постојат и други теории за потеклото на овој празник, па така можат да се пронајдат и некои пагански ритуали, други пак зборуваат дека во средновековниот период се верувало дека птиците почнуваат да се парат на 14 февруари, па оттука е и обичајот "Валентински" честитки. Сепак, најверојатно е дека Валентин постои во спомен на свештеникот Валентин.

Што мислите вие, кои од наведениве работи се вистини?