Британецот кој секојдневно за појадок јаде 8 хот-дога ја заслужи титулата за најдебел маж на светот.

42 годишниот Кит Мартин моментално тежи околу 370 килограми поради кои веќе со години е прикован за креветот, а за него секојдневно се грижи тим од 18 луѓе.

„Кога имав 16 години умре мајка ми и после тоа престанав да се грижам за себе. Не ми беше гајле што ќе ми се случи. Јадев се и сешто. Се обвинувам себеси и се мразам за тоа што си го направив“, рече Кит.

Кит излегува од дома единствено кога оди во болница на лекарски преглед, а тогаш по него доаѓаат осуммина болничари за да го префрлат во санитетско возило кое е посебно засилено за да може да го превезе до болницата.

Лекарите му рекле дека мора да изгуби барем половина од сегашната тежина за воопшто да може да почне да размислува за вградување на желудечни премосници кои дополнително би требало да му помогнат во слабеењето.

Кит титулата за најдебел човек ја презеде од мексиканецот Мануел Уриби кој некогаш тежел 450 килограми, но со драстична диета изгуби дури 250 килограми.