Кинеските научници го истражуваат случајот на петелот кој почнал да неси јајца.

Хуанг Ли (47) од Менгченг во централна Кина тврди дека минатата година на имотот имал еден петел и седум кокошки и дека „работите“ меѓу нив се одвивале нормално. Меѓутоа, за време на зимата, семејството поради слабата финансиска ситуација почнало да ги коле кокошките, и петелот на крајот останал сам.

Хуанг тврди дека едно утро под петелот пронашол јајце, и дека најпрво мислел дека некој го зафркава.

„Мислев дека некој сосед го ставил јајцето во неговото гнездо, за да се пошегува со мене. Но, следниот ден пронајдов уште едно јајце, па одлучив да истражам за што станува збор. Наредниот ден го набљудував петелот и со свои очи видов дека снесе јајце“, вели кинескиот селанец.

Локалната телевизија известувала за неговиот петел, па се заинтересирале и научниците кои сега петелот го подлежуваат на разни тестови.

„Се обидуваат да утврдат дали всушност се претворил во женка, кога сите кокошки ги снема, или цело време бил женка. Можам да ви кажам дека ако навистина цело време е кокошка, сите успеа да не измами, затоа што секое утро стануваше и кукуригаше, а да не зборувам за тоа што го правеше со кокошките“, рече Хуанг.