Британски полицајци одговориле на повикот за вооружен грабеж и на лице место затекнале студенти кои снимале хорор филм.

Полицијата во Вокинг, Сари, примила неколку повици, а загрижени граѓани пријавиле дека во тек е вооружен грабеж, и дека неколку сомнителни лица трчаат по главната улица вооружени со пиштоли.

Главната улица веднаш била затворена, а полицајците затекнале студенти на режија на локалниот универзитет, нивните херои вооружени со пластични пиштоли и десетина статисти преправени во зомбија.

Младите филмски ентузијасти поминале само со предупредување, бидејќи ниту на градската управа ниту на полицијата не пријавиле дека ќе снимаат на јавно место.