Моментално, двајцата најголеми акциони херои на денешнината, Арнолд Шварценегер и Силвестер Сталоне имале случајна неочекувана средба и тоа никаде на друго место туку во болница во Лос Анџелес.

„По сите акции, кршење на вратови и физичко малтертирање додека го снимавме The Expendables 2 и The Last Stand, дојде време да одам на ‘ремонт’ на рамото.

Погледнете кој сосема случајно беше веднаш зад мене во редот и чекаше операција на рамото. Сега повторно сме подготвени за уште една рунда одлична забава и акција додека ќе го снимаме The Tomb“, напишал Алнолд Шварценегер на својот WhySay профил под фотографијата на која во болница, кревет до кревет лежи со Силвестер Сталоне.

Двајцата поранешни ривали за титулата најголема акциона ѕвезда во Холивуд, а денеска пријатели и колеги и дефинитивно две најголеми акциони ѕвезди на денешницата, 64 годишниот Арнолд и 65 годишниот Силвестер одлично се забавувале откако случајно се сретнале во болница во Лос Анџелес.

А како што Арнолд напишал, тој и Силвестер штотуку завршиле заедно два проекти, филмовите The Expendables 2 и The Last Stand, и по “ремонтот“ веднаш ќе се фрлат на снимање на уште еден акционен филм, The Tomb.