Најчесто мачкиното предење го сфаќаме како состојба на задоволство кај мачката, но новите истражувања утврдиле дека предењето на мачките испраќа различни пораки до сопственикот. Истражувачите откриле дека звуците кои ги испушта гладна мачка содржат високи тонови како кај плачење и мјаукање.

Истражувачите ги снимиле звуците на 10 мачки кои им припаѓаат на луѓе кои сакале да волонтираат во проектот. Дури и луѓето кои никогаш во животот не чувале мачки дома веднаш осознале дека кога се гладни, мачките испуштаат непријатни звуци при нивното предење. Истражувачите сугерираат дека на таквите звуци произведени од гладни мачки, луѓето би можеле да реагираат како на бебшко плачење. Тие додале и дека сите мачки не го користат тоа за да добијат храна од својот сопственик, но доколку еднаш увидат дека има ефект, ќе почнат почесто да го употребуваат.