Денес би требало да се чувствувате доста поразлично од вообичаените понеделници...

Причината е дека според британски психолози денеска е најсреќниот понеделник во годината.

Тие го нарекуваат 30 јануари "среќен понеделник", бидејќи во овој ден многумина ја добиле првата плата во новата година и направиле резервации за летен одмор.

"Сите одиме на работа во понеделник, 30 јануари, со вратена виталност. Духот ни е подигнат од возбуда поради новиот трансфер на пари во банката и очекувањето на едно од најголемите настани во семејството за годината - летниот одмор. Ова е ден кога се чувствуваме посебно среќни. Прекумерните трошоци за Божиќ значат дека јануари е особено тежок и долг месец за повеќето луѓе и првата плата за годината значително го намалува стресот", вели психологот д-р Дејвис Холмс од универзитетот во Манчестер.

Не е случајно дека најсреќниот понеделник се паѓа во ден по најнатоварен викенд во годината за туристичките агенции, забележува д-р Холмс. Д-р Холмс предвидува вкупно 11 среќни дена оваа година. Тие вклучуваат два празника во мај, денот кога ги преместувате часовнците напред во март, и на 24 јуни.