Американец е уапсен затоа што одбил да ја напушти затворската ќелија.

Мартин Комбејт (44) од Флагстаф, Аризона е уапсен пред пет дена поради неовластено влегување на имот и е спроведен во локалниот затвор. Меѓутоа, кога му истекол одредениот притвор и замениците на шерифот дошле да го извадат, тој одбил да ја напушти ќелијата.

„Комбејт рече дека во текот на тие пет дена успеал да го изгуби паричникот во ќелијата и дека не оди никаде додека не го пронајде“, рече шерифот Џери Блер.

Комбејт инаку бил сам во ќелијата, па нее јасно како неговиот паричник „добил нозе“, но почнал да се кара со замениците и на крајот повторно е уапсен. Покрај провалата, сега ќе биде обвинет и за опирање при апсење и физички напад.