Четиригодишно дете во градинката донело неколку пакувања марихуана, пренесува американскиот печат.

Неименувано дете од Мериден, Конектикат во градинката донело девет пакувања „трева“, и гордо ги извадил кога воспитувачот рекол дека е време за ужинка.

„Се запрепастив, рече дека понесол доволно за сите другари. За среќа, не знаеше што донел“, рече воспитувачот Мигел Кардона.

Управата на градинката веднаш ја повикала полицијата, и родителите на детето се под истрага поради поседување и продажба на дрога, а веројатно ќе бидат обвинети за невнимание, затоа што марихуаната ја оставиле на место на кое нивниот син лесно ја пронашол.