Патниците на редовниот лет Финејр од Хелсинки за Њу Делхи биле пријатно изненадени кога персоналот на авионот им подготвиле посебна точка по повод Денот на република Индија.

Видеото покажува насмеан персонал, како изведува очигледно добро извежбана боливудска кореографија, а за четири дена оваа видео е погледнато околу два и пол милиони пати.

Оваа идеја и паднала на памет на стјуардесата Хелена Каартинен, која со помош на своите пријателки, бивши индијски стјуардеси, ја осмислила кореографијата. „Беше тоа одличен начин да оддадеме почит“, рече Хелена. Додаде дека персоналот сакал им покаже на своите патници од Индија дека ја познаваат нивната култура.

Некои ќе кажат дека ова е обична корпоративна пропаганда, некои ќе кажат дека навистина сакале да и оддадат почит на Индија, но се на се, мора да им признаете дека се потрудија за да извлечат насмевки на лицата на своите патници.

Видеото погледнете го овде.