Романот на Херман Мелвил - познатиот „Моби Дик“ е понуден на сајтот eBay, но во малку поинаков формат.

Имено, комплетното дело е испишано на ролна тоалет хартија, а почетната цена на оваа „реткост“ носи 775 евра.

„Ремек делото испишано на целулоза“ го продава еден американец кој на наговор на пријател сам го препишал романот.

„Мојот пријател и јас водевме дебата за тоа дека на тоалет хартијата би требало да испишуваме упатства за употреба на некои луѓе и така дојдовме на оваа идеја. Тој тврдеше дека нема да успеам тоа да го сторам, но еве... романот е овде, на тоалетната хартија“, објасни „писателот“.

Романот од 1851 година вештиот американец успеал да го напише на четири и пол ролни двослојна тоалетна хартија.