Полицијата на аеродромот во Санкт Петербург привела бремена жена пред породување откако е откриено дека во стомакот има вкупно 800 грама хероин...

Бремената жена, која допатувала од главниот град на Таџикистан, приведена е заедно со „мажот кој дошол да ја пречека на аеродромот Пулково“, се наведува во соопштението на царинската служба.

„Во деветти месец бременост, младата жена би требало да се породи на 28 јануари, рекоа лекарите кои во нејзиниот стомак открија 80 капсули со вкупно 866,99 грама хероин“, се наведува во соопштението.

Припадниците на царинската служба на аеродромот Пулково во текот на 2011 година привеле 14 личности кои проголтале повеќе од 9 килограми хероин, покажуваат официјалните податоци. Поголемиот број од приведените се со потекло од Таџикистан.

Таа најсиромашна држава на поранешниот СССР е една од главните транзитни станици за трговија со наркотици од соседниот Авганистан, најголемиот светски произведувач на опиуми и канабис.