Фејсбук е добар за многу работи, можете повторно да стапите во контакт со стари пријатели, да ги видите сликите од патувањето на кое вашата колешка супер си поминала, да споделите со светот нешто интересно што ви се случило... Но, дали Фејсбук „работи за вас“ и кога е во прашање љубовниот живот?

Твитер и Фејсбук се неуништлив извор на информации за личноста која ја сакате и не е лесно да се спротиставите на искушението секој час да фрлите поглед на профилот... Но, Фејсбук може да се претвори во „минско поле“, така што морате да бидете внимателни. Значи, пред да кликнете refresh по кој знае кој пат во текот на денот, запрашајте се дали со тоа ја минирате сопствената врска.

Дали Фејсбук е вашиот „прозорец“ во светот на личноста со која сте во врска? Ако е така, веднаш „станувајте“ од компјутерот. Јавете и се по телефон, излезете на кафе... Четувањето никогаш нема да може да го замени разговорот во живо.

Дали ви се случува да ве вознемират работи кои ги гледате на профилот на партнерот? Постојат многу нешта што можат да доведат до недоразбирање, од стари фотографии до коментари на пријатели кои се извлечени од контекст... Ако видите нешто што ќе ве погоди, задолжително за тоа разговарајте со партнерот.

Немојте да дозвоолите вашето незадоволство да трае, затоа што кога-тогаш ќе излезе на површината, а ако го одложувате разговорот ситуацијата може да биде само полоша. Никогаш немојте да донесувате избрзани заклучоци само на основа на она што сте го виделе на Фејсбук.

Дали вашиот партнер знае колку често фрлате поглед на неговиот профил? Ако се фатите себеси да премолчувате некои работи кои сте ги виделе таму, тоа не е баш добар знак. Ако подоцна тоа ви излета, партнерот ќе се чувствува како да го шпиунирате, а тоа сигурно не е најдобар развој на ситуацијата...

Иако денеска поголемиот број луѓе тешко можат да си го замислат животот без Фејсбук, не губете од вид дека односите меѓу луѓето се градат на љубов и доверба. Социјалните мрежи се во ред, се додека не го нарушуваат тоа.