Секој пет млад германец не знае дека Аушвиц бил нацистички логор на смртта, покажала една анкета објавена вчера, два дена во очи на светскиот Ден за сеќавање на жртвите од холокаустот...

Иако 90% од испитаниците знаат дека Аушвиц бил концентрационен логор, анкетата спроведена за најновото издание на германското списание „Штерн“ покажува дека Аушвиц не им значи ништо на 21% од германците, на возраст меѓу 18 и 29 години.

Речиси третина од 1.002 учесници во анкетата, спроведена во четврток и петок минатата недела, не знаат дека Аушвиц се наоѓа во денешна Полска.

Испитувањето е спроведено во очи на годишнината од ослободувањето на Аушвиц, 27 јануари 1945 година, датум кој Германија од 1996 година го обележува како национален Ден за сеќавање на жртвите од холокаустот.

Според извештајот на независната експертска комисија Бундештаг, објавен во почетокот на оваа недела, секој петти германец е латентно антисемитски настроен.