Уникатната облека од "златни" пајаци ќе биде претставена во лондонскиот музеј Викторија и Алберт...

Наметката е направена од досега најголемото парче текстил направено од пајакова мрежа, долга четири метри. Материјалот природно е со златна боја, направен од 1.2 милиони пајаци од Мадагаскар кои за време од пет години ги собрале 80 луѓе.

Наметката ќе биде изложена до 5 јуни во лондонскиот музеј Викторија и Алберт, дело на бритнаскиот експерт за текстил Сајмон Пирс и американскиот дизајнер Николас Годи, кој со години живееле на Мадагаскар и сакале на јавноста да и покажат едно речиси заборавено дело, кое може да биде многу привлечно за светот на модата.

Последен пат облека од пајакова свила била креирана за универзална изложба во Париз во 1900 година.

Како од пајаковата свила се прави ткаенина? Пајаците со собираат секое утри и се врзуваат за посебни дрвени штици во пределот на абдоменот. Се работи со 24 женки истовремено. Работниците ја повлекуваат свилата од секоја од многубројните пајакови брадавици.

На крајот од секој процес, пајаците се пуштаат на слобода. Процесот е исклучително тежок. Потребни се околу 23.000 пајаци за да се добие свила од 28 грама.