Пожарникарите од Хјустон во Тексас биле повикани да фатат побегнат тигар кој се качил на врвот од напуштен хотел, но тигарот бил неверојатно мирен...

Десетина возачи се јавиле на противпожарната служба и полицијата бидејќи на кровот од напуштен хотел во Хјустон седел еден побегнат тигар. Повиците ги сфатиле многу сериозно, па така во спасување тргнале едно противпожарно возило и шест пожарникари, вклучувајќи и уште две униформирани лица на кранот, кој бил испратен да го спуштат или да го протерат тигарот од врвот на зградата.

Но, наместо да скокне на нив, големата мачка била неверојатно мирна. Неколку минути траела тензијата. А потоа спасувачите сфатиле дека се работи само за играчка во природна големина.