Сте раскинале, а по него/неа останале илјадници ситници и подароци кои ве потсетуваат на пропаднатата врска? Продајте ги тие работи и заработете некој денар.

Анабел Ектон (28) од Њујорк го започнала сајтот neverlikeditanyway.com (никогаш не ми се ни допаѓаше), на кој можете да ги „ставите“ сите работи кои за време на врската сте ги добиле како подароци, а сега не сакате со очи да ги видите.

Ектон на овој потег се одлучила неодамна, по раскинување на долгогодишна вркса, кога од бившиот и останале две авионски карти за Лондон, уметничка слика и неколку парчиња накит.

„Сите тие приказни дека е подобро да сакате и да изгубите отколку никогаш да не сакате ми звучеа патетично. Сакав да направам нешто драстично“, рече Анабел.

„Мораме да продолжиме понатаму. Нема покајувања и прејадување со сладолед“, додаде таа.

На сајтот можат да се најдат понуди за купување на неискористени невестински фустани, веренички прстени, па дури и свадбени патувања.